వరుసగా మూడు....చెప్పేస్తా చూడు!

వరుస అంకెల్తో ఇలా మాయ చెయ్యండి .
మీ స్నేహితుడిని 1 నుంచి 9 లోపు మూడు వరస అంకెల్ని తల్చుకోమనండి. వాటిలో మొదటి రెండూ ఒకదాని పక్కన ఒకటి వేస్తే రెండంకెల సంఖ్య వస్తుంది కదా? అలా చివరి రెండు, చివరిదీ మొదటిదీ అదే వరుసలో వేయమనండి. అంటే అతడి దగ్గర మూడు సంఖ్యలు వుంటాయి. ఆ మూడింటిని కలిపి చెప్పమనండి. ఆ జవాబు వింటూనే మీరు అతడు తల్చుకున్న మూడు వరస అంకెలనూ చెప్పేయగలుగుతారు!

కిటుకు: అతడు చెప్పిన జవాబును మీరు 33 చేత భాగించాలి. (ముందు 3 చేత, తరువాత 11 చేత భాగిస్తే సులువు) అలా వచ్చిన జవాబులో నుంచి 1 తీసేస్తే అది అతడు తల్చుకున్న వాటిలో మొదటిది అవుతుంది.

వివరణ: ఉదాహరణకు మీ మిత్రుడు 5,6,7 తీసుకున్నాడనుకుందాం. వాటిలో మొదటి రెండంకెలతో 56, చివరి రెండంకెలతో 67,చివరిదీ మొదటి దానితో 75 వస్తాయి. వీటి మొత్తం 56+67+75=198 వస్తుంది. ఇది చెప్పగానే మీరు దాన్ని 33 చేత భాగిస్తే 6 వస్తుంది. అందులోంచి 1 తీసేస్తే 5 వస్తుంది. మీ మిత్రుడు తల్చుకున్న వరస అంకెల్లో అది మొదటిదేగా!

పుట్టిన వారం చెప్పేస్తా

పిల్లలకి వేసవి సెలవులలొ సరదాగా ఇలా అంకెలతో గారడి చేయవచ్చు.

మీ స్నేహితుడి చేత ఓ లెక్క చేయించి అతడు ఏ వారం పుట్టాడో చెప్పి ఆశ్చర్యపరచండి.ముందుగా మీ స్నేహితుడిని ఏవైనా మూడు వరస సంఖ్యలని తల్చుకోమనండి. ఆ మూడు కూడి వచ్చిన జవాబును 3 చేత గుణించమనండి. ఆ జవాబుకి అతడు పుట్టిన వారాన్ని సూచించే అంకెను కలపమనండి. (అంటే 1.ఆదివారం 2.సోమవారం 3.మంగళవారం 4.బుధవారం 5.గురువారం 6. శుక్రవారం 7.శనివారం అన్నమాట). అలా కలిపాక ఆ జవాబును పైకి చెప్పమనండి. దాన్ని వింటూనే మీరు అతడు పుట్టిన వారాన్ని చెప్పగలుగుతారు.

కిటుకు: అతడు చెప్పిన జవాబులో అంకెలన్నింటినీ ఒకదానికి ఒకటి కలిపేయండి. ఇలా ఒకే అంకే వచ్చేవరకు చేస్తే అది అతడు పుట్టిన రోజును సూచిస్తుంది.

వివరణ: ఉదాహరణకి మీ మిత్రుడు 15,16,17 తలుచుకున్నాడనుకుందాం. మీ సూచనల ప్రకారం అతడు వాటిని ఒకదానికొకటి కూడితే 15+16+17=48 వస్తుంధి. దాన్ని 3 చేత గుణిస్తే 144 అవుతుంది. అతడు పుట్టిన వారం గురువారం అనుకుందాం. దాన్ని సూచించే అంకె 5 కాబట్టి అతడు దాన్ని 144కి కలిపి మొత్తం 149 అని మీకు చెబుతాడు. మీరు వెంటనే మనసులొ ఇందులోని అంకెల్ని ఒకదానికొకటి కలిపేస్తారు. మొదట 14, ఆ పై వాటిని కుడా కలిపేస్తే 5 వస్తాయి. వెంటనే గురువారం అని చెప్పేస్తారంతే.