శ్రీ సూర్యనారాయణ మేలుకొలుపు....

సూర్యాష్టకం

   ఆదిదేవ నమస్తుభ్యం ప్రసీద మభాస్కర                     

    దివాకర నమస్తుభ్యం ప్రభాకర నమోస్తుతే

సప్తాశ్వ రధ మారూఢం ప్రచండం కశ్యపాత్మజం
శ్వేత పద్మధరం దేవం తం సూర్యం ప్రణమామ్యహం

లోహితం రధమారూఢం సర్వ లోక పితామహం
మహాపాప హరం దేవం తం సూర్యం ప్రణమామ్యహం

త్రైగుణ్యం చ మహాశూరం బ్రహ్మ విష్ణు మహేశ్వరం
మహా పాప హరం దేవం తం సూర్యం ప్రణమామ్యహం

బృంహితం తేజసాం పుంజం వాయు మాకాశ మేవచ
ప్రభుంచ సర్వ లోకానాం తం సూర్యం ప్రణమామ్యహం

బంధూక పుష్ప సంకాశం హార కుండల భూషితం
ఏక చక్రధరం దేవం తం సూర్యం ప్రణమామ్యహం

విశ్వేశం విశ్వ కర్తారం మహా తేజః ప్రదీపనం
మహా పాప హరం దేవం తం సూర్యం ప్రణమామ్యహం

తం సూర్యం జగతాం నాధం జ్నాన విజ్నాన మోక్షదం
మహా పాప హరం దేవం తం సూర్యం ప్రణమామ్యహం

మార్గశిరమాసములో పండుగలు....

   

                      ఈ మార్గశిర మాసములోనే దత్తాత్రేయ జయింతి. మార్గశిర పౌర్ణమి నాడే దత్తాత్రేయ జయంతి. తనకు తానుగా పుత్రరూపాన్ని ఇచ్చి దత్త నామధేయుడయ్యాడు శ్రీ మహావిష్ణువు. ఈ మాసంలోనే ధనుస్సంక్రాంతి . తిరుప్పావై పారాయణము ప్రారంభమయ్యే శుభప్రదమైన రోజు. సూర్యుడు ధనురాశిలో ప్రవేశించే పుణ్యవేళ. అప్పటి నుంచే ధనుర్మాసం మొదలు.  

కార్తీక మాసంలో మనం చేసే పూజలు

   

       ఈ మాసంలో శ్రీ మహావిష్ణువును దామోదర నామంతో పూజిస్తారు. ఎవరికి వీలున్న పరిస్థితిని బట్టి నదీ, నూతిస్నానమును భక్తితో చేస్తారు. ఈ మాసమును మించిన సమమైన మాసం లేదని అంటారు. కార్తీక  మాసంలో కార్తీక మహత్యమును చదువుతూ, మహాశివుడ్ని కొలుస్తూ ఉసిరి చెట్టు క్రింద పూజలు, భోజనాలూ, వనాల్లో విహరములూ ఇలా అనేక ఆరాధనలు చేస్తూ పరమానందంగా గడుపుతారు.
       కార్తీక సోమవారాలు విధిగా చేస్తారు. కార్తీక దీపాలు వెలిగిస్తారు. ఈ మాసం మంగళ ప్రదము. స్త్రీలకు  ఐదవతనమును వృద్ది చేస్తుంది.
       ఆలయాల్లో, తులసీ వనాల్లో మహిళలు విశేషంగా అరటి దోప్పల్లో నూనె పోసి దీపాలని వెలిగిస్తారు. ఉసిరికాయపై వత్తిని పెట్టి వెలిగించి విష్ణు దీవెనలను పొందుతారు. ఈ మాసంలో శివునికి అభిషేకాలు చేస్తారు. శివాభిషేకం సకల పాపాలను పోగొడుతుంది.

ధనత్రయోదశి రోజు బంగారం కొంటే లక్ష్మికి ఆహ్వానమా?

                                                   

       
           'ధన్ తేరస్' అనే పేరుతో ఉత్తరాదిన బాగా ప్రాచుర్యం పొందిన ఈ పండుగ రోజు బంగారాన్ని కొనటం శుభమని, ఈ రోజుకొంటే ఏడాది పొడుగునా బంగారం కొనే ఆర్ధిక స్థితి శ్రీ మహాలక్ష్మి ఇస్తుందని నమ్మకం. పురాణ ఆధారాలు కూడా ఉన్నాయి. ఈ పండుగ నాడు మహిళలు బంగారం కొనటానికి ఉత్సాహం చూపిస్తుంటారు.
           అష్టైశ్వర్యాల పండుగ అక్షయతృతీయ. ఈ రోజే శ్రీ మహాలక్ష్మి పాలకడలి నుంచి ఉద్భవించింది. పాండవులు అక్షయపాత్రను పొందిన రోజు. శ్రీ కృష్ణుడు కుచేలునికి బంగారు పట్టణాన్ని ఇచ్చిన రోజు.
           ఏది ఏమయినా ఈ రోజున ఎవరికున్నంతలో వారు బంగారం కొనుక్కుంటారు. 

కార్తీక స్నానమెందుకు?

             ఈ మాసంలో సూర్యోదయానికి ముందు  స్నానం చేస్తే ఆయురారోగ్యాలు కలుగుతాయి. మెడ వరకు నీటిలో వుండి స్నానం చెయ్యటం ద్వారా ఉదర వ్యాధులు నయమవుతాయి.
             కార్తీక స్నాన విషయంలో వొక ఆరోగ్య సూత్రం కూడా ఉంది. వర్షాకాలంలో పడిన నీరు భూమిలోకి ఇంకి బలమైన అయస్కాంత మండలం ఏర్పడుతుంది.
             వర్షాకాలం తర్వాత వచ్చే కార్తీకమాసంలో ప్రవహించే నదుల్లో అయస్కాంత శక్తి అపారంగా ఉంటుంది. దాని వల్లే కార్తీక మాసంలో నదీస్నానము, సముద్రాస్నానము చేయమంటారు. హరిహరాదులకు ప్రీతికరమైన మాసం కార్తీకమాసము.
             ఈ మాసంలో నదీసముద్ర స్నానము, దీపారాధన  ఎంతో పవిత్రము. పురుగులూ, మిడతలూ, చెట్లూ, పక్షులూ ఇలా అనేక జీవులు కార్తీక దీపాన్ని చూసి తమ జన్మరాహిత్యాన్ని పొందుతాయి.


    

శ్రావణమాసములో వరలక్ష్మీవ్రతము...

తెలుగునాట ప్రతి ఇంట వరలక్ష్మీ వ్రతము చేస్తారు. శౌనకాది మహర్షులకు సూతమహాముని చెప్పినదే. స్త్రీలకు సౌభాగ్యవంతమైనదీ, అపూర్వ ధనరాశులనూ ఇచ్చేదే వరలక్ష్మీ వ్రతము.
వరలక్ష్మీదేవి చారుమతికి కలలో కనిపించి, శ్రావణ పౌర్ణమి నాటికి ముందు వచ్చే శుక్రవారం పూజించి తరించమని చెబుతుంది.
చారుమతి సకల విధి విధానాలతో వరలక్ష్మీ వ్రతం పూర్తి చేసి, తొలి ప్రదక్షిణ చెయ్యగానే కాలి అందియలు ఘల్లుమని మ్రోగాయి. రెండవ ప్రదక్షిణ చెయ్యగానే నవరత్నఖచిత కంకణాలు ధగధగలాడాయి. మూడో ప్రదక్షిణ చెయ్యగానే ముత్తైయిదువులంతా సర్వాభరణ భూషితులయ్యారు. ఆ పట్టణమే ధన కనకములతో నిండిపోయింది. ఈ వ్రతం చేసినా,చూసినా సకల శుభములు సిద్ధిస్తాయని శౌనకాది మహర్షులకు చెప్పాడు.
ఈ మాసంలోనే రక్షబంధ నోత్సవము. ఇదే అన్నా చెల్లెళ్ళ పండుగ. అలాగే ఈ మాసంలోనే శ్రీకృష్ణాష్టమి.
శ్రావణమేఘాలు పరవశంతో పరుగులు తీస్తున్న ఈ సమయంలోనే శ్రీకృష్ణుడు జన్మించాడు. రైతులు ఆవులనూ, ఎద్దులనూ పూజించే పోలాల అమావాస్య కూడా ఈ మాసంలోనే.